సౌర విద్యుత్ ఉత్పత్తి చేసే ప్రథమ 5 దేశాల్లో భారత్ స్థానం సంపాదించిందని ఉద్ఘాటించారు ప్రధానమంత్రి నరేంద్రమోదీ. సౌర విద్యుత్ ఉత్పత్తికి భారత్ అతిపెద్ద మార్కెట్ అని అభివర్ణించారు. మధ్యప్రదేశ్లోని రేవాలో ఆసియాలోనే అతిపెద్ద సౌరవిద్యుత్ పార్క్ను వీడియో కాన్ఫరెన్స్ ద్వారా ప్రారంభించిన మోదీ.. సంప్రదాయేతర విద్యుత్ ఉత్పత్తిలో భారత్కు ఉన్న అనుకూలతలను వెల్లడించారు. అతిపెద్ద ప్లాంట్ నిర్మాణంతో భారత్ ప్రపంచ దేశాలకు స్ఫూర్తిగా నిలుస్తుందని చెప్పారు.
'స్వల్ప ధరల్లో సౌర విద్యుత్'
కచ్చితమైన, శుద్ధమైన, ప్రమాదరహిత సౌర విద్యుత్ను భారత్ ఉత్పత్తి చేస్తోందని చెప్పారు మోదీ. సౌర విద్యుత్ తయారీలో కేంద్రస్థానంగా మారిందని ఉద్ఘాటించారు. శుద్ధమైన విద్యుత్కు అత్యంత ఆకర్షణీయ మార్కెట్ భారతేనని వెల్లడించారు.
'21 శతాబ్దం.. సౌరవిద్యుత్దే'
సౌరవిద్యుత్తో ప్రస్తుత అవసరాలు మాత్రమే తీరడమే కాక 21వ శతాబ్దంలో అవసరమయ్యే విద్యుత్ను ఈ విధానం ద్వారానే అందుబాటులోకి తీసుకురాగలమని చెప్పారు మోదీ. మధ్యప్రదేశ్లోని నీముచ్, ఛత్తర్పుర్, ఉత్తర్ప్రదేశ్లోని షాజాపూర్ల్లో సౌరవిద్యుత్ కేంద్రాల ఏర్పాటు ప్రక్రియ వివిధ దశల్లో ఉందని వెల్లడించారు మోదీ.
ఇదీ చూడండి: దేశానికి సౌర వెలుగులు.. తొలి విద్యుత్ ప్రాజెక్టు ప్రారంభం
